లప్పంగిరిగిరి - 1
- అన్ని డైరీలు ఒకేలా ఉండవ్ !!!
* ఈ రోజు మార్నింగ్ బ్రాయిలర్ కోడి కొక్కొరొకో అనే టైమ్ కాదు కానీ , సదరు కోడిగారు చికెన్ సెంటర్లకు/కస్టమర్ ఇల్లకు సరఫరా షురు అయ్యే టైంకు అటు ఇటుగా 9 - 9:30 మధ్య లేచాను. లేవ గానే డోర్ బయట ఉన్న ఈనాడు, సాక్షి పేపర్లను తెచ్చుకుని నాలుగు న్యూస్ పేపర్లను వేసుకుని చదవడం స్టార్ట్ చేసా. నాలుగు ఎందుకంటే నిన్నటి ఈనాడు, సాక్షిని నేటి కాపీస్‌తో పోల్చి చదివితేనే పొద్దునే నాలుగు రకాల కషాయం తాగిన ఫీలింగ్ వస్తుంది.
* హాట్ వాటర్ కోసం హీటర్ పెట్టుకుని, వేడి అయ్యాయా లేదా అని చూడగా, కొంచెం వేడిగా కొంచెం చల్లగా అనిపించింది. వెంటనే KIKK సినిమా (కొంచెం ఇష్టం కొంచెం కష్టం) గుర్తొచ్చి, నిన్న 'అబ్బా ఛా' ఆర్కుట్ కమ్మ్యూనిటీలో చూసిన దారం గుర్తొచ్చి, 'అబ్బా ఛా' సాంగ్ కోసం నెట్‌లో వెతికి ప్లే చేసా.
అహా ఆహా ఏం బీట్ వుంది సాంగ్లో. చాలా రోజుల తర్వాత బాగా ఎగరడానికి స్కోప్ ఇచ్చిన పాట వచ్చింది. 'జింతాక్ జింతాక్' తర్వాత ఆ రేంజ్‌లో కాకపోయినా ఓ మాదిరి రాన్‌డం స్టెప్స్ వేసుకోడానికి ఉపయోగపడే పాటొచ్చింది. అలా విచ్చల విడిగా ఎగురుతుండగా కనుచుపుమేరలో ఎవరో చిన్నది టెర్రెస్ పైన నించుని మరీ ఇదంతా గమనిపిస్తున్నది గమనించి బ్రేక్ డాన్స్‌ను బ్రేకా.
* ఆపీస్‌కు ఎల్లగానే, అందరూ 'సత్యం మీటింగ్‌లో' వున్నారని అర్థమయ్యింది. 'ఉప్పర మీటింగ్' రాజు కు సత్యం పర్‌ఫెక్ట్ వారసుడు మరి. అంతలోనే 'లెయ్ బే లెయ్' (Layoffs) గురించి డిస్‌కషన్ వచ్చీ ఎవరో గూగులమ్మను అడిగితే వెంటనే 'jobeehive.com' గురించి చెప్పింది. అందులో మాస్టారు భలే తెలివిగా ఎక్కడెక్కడ Layoffs జరుగుతున్నాయో బాగా ఇచ్చాడు. శవాలపై మరమరాలు ఏరుకుని భేల్ పురి చేసుకోవడం అంటే ఇదేనేమో అనుకుని, మొత్తానికి సూపర్ అవిడియా తట్టింది ఈడికి అనీ వీలైతే ఈ మరమరాలను మనమూ సేకరించి నానబెట్టి ఉగ్గాని టిఫిన్ చేసుకుందాం అని డిసైడ్ అయిపోయా.
* మధ్యాహ్నం భోజనానికి చెలికత్తెలతో (కలీగ్స్) Chattees(36) రెస్టారెంట్‌కు వెళ్ళాను. అందులో 'Bar-B-Q' ఉంది. అదే కేక. కాంప్లిమెంటరీగా కూల్ డ్రింక్స్ ఇస్తారని తెలుసు కాని, ఫ్రెష్ లైం సోడా లాంటివి కూడా ఇస్తారనీ, అడిగిన వాళ్ళకి కార్పొరెట్ డిస్కౌంట్ 10% ఇస్తారనీ ఈ రోజే తెలిసింది. ఇంతక ముందు వెళ్ళినప్పుడు ఇవి అడగకుండా వున్నందుకు బాగానే దొబ్బించుకున్నాం, డబ్బిచ్చుకున్నాం. సో ఈ రెస్టారెంట్ ట్రై చేసే వాళ్ళు ఈ విషాయాలను కాపిటాలైజ్ చేసుకోండి.
* మేసాక, తిరుగు ప్రయాణంలో నా వెనక కూర్చున్న చెలికత్తెకు ఎందరో ఎప్పుడో గుర్తించిన, నేను ఈ మధ్యే గుర్తించిన సైబర్ టవర్స్ సిగ్నల్‌ను అవాయిడ్ చేసే రూట్ చూపడంతో ఆ చెలికత్తే కుడా మిక్కిలి ఆనందించింది. జూబ్లీ హిల్ల్స్ నుంచి సైబర్ టవర్స్ సిగ్నల్ వైపు వచ్చి, లెఫ్ట్ తీసుకునే ఈ దారి తెలియకపోతే వెంటనే తెలుసుకోండి, తెలుసుంటే లైట్ తీసుకోండి. ఆ సిగ్నల్ రాకముందే విభా సీడ్స్/బిర్లా సాఫ్ట్ కంపనీస్ దగ్గర ఒక లెఫ్ట్ తీసుకుంటే My Home Hub అపార్ట్‌మెంట్స్ వెనక నుంచి ఒక రోడ్ వచ్చి, 'వెన్నెల/కోమల ' హోటల్స్ టచ్ చేస్తూ మోటోరోల కంపెని ఎదురుగా కనిపిస్తూ ఆ రోడ్‌ను టచ్ చేస్తుంది. చాలా మంచి షార్ట్ కట్ గురు !!!
* ఒక స్నేహితుడి సౌజన్యంతో ప్రపంచం మొత్తం ముర్‌గి/Hen అయ్యి కూస్తున్న Hinglish సినిమా 'స్లం డాగ్ మిలియనేర్ ' సినిమా చూసేసా. కెబిసి కి, ఒక స్లం కుర్రాడి లైఫ్‌కి లింక్ పెట్టి స్టోరి రాసిన వికాస్ స్వరూప్ కి సిటికెలు. ఇదే సందర్భంలో ఫిల్మ్ ఇండస్ట్రి క్రియేటర్స్ అందరూ తాము వండుతున్న సినిమాలకు, 'A Wednesday' వంటకం కు పోలిక చూసి అవాక్కయ్యేలా చేసిన నీరజ్ పాండే్‌కు సిన్సియర్ సిటికెలు.
* ఈ రోజు మార్నింగ్ నుంచి న్యూస్ సైటులు చాలా సార్లు బ్రౌజ్ చేస్తూనే వున్నాను. మన మేధావులు కనిపెట్టిన పాటర్న్ ప్రకారం, ఈ రోజు టెర్రరిస్ట్ అటాక్ జరగాలి. అది నిజంగానే జరుగుతుందేమో అని ఇప్పటివరకు కుతూహలంతో ఎదురుచూసాను.
మే 13 - జైపూర్ బ్లాస్ట్స్
జూన్‌లో ఏవి లేవు
జూలై 26 - అహ్మదాబాద్ బ్లాస్ట్స్
ఆగస్ట్ ఏవి లేవు
సెప్టంబర్ 13 - ఢిల్లీ బ్లాస్ట్స్
అక్టోబర్ ఏవి లేవు
నవంబర్ 26 - ముంబాయ్ బ్లాస్ట్స్
డిసెంబర్ ఏవి లేవు
జనవరి 13 ?????????
జనవరి - జనం వర్రీ అయ్యేలా ఇలా ఈ పాటర్న్ బాగా పాపులర్ అయ్యింది. కాని మొత్తానికి అంతా వట్టిదే అని ప్రూవ్ అయినందుకు హాపీసు చాలా హాపీసు.
Simply superb. you are one of the best bloggers. Keep posting.
:-) good.
చాలా బాగుంటుంన్నాయి మీ టపాలు....
pandaga puta naa dairy mee లప్పంగిరిగిరి chadavatam to modaliyindi. chudam megata rojanta yamovtundo
Edi emaina, layoff gurunchi nuvvu cheppina mata nijama mama! Naakuuu JobeeHive valla idea nacchindi. It gives an insight into what is happening everywhere. Valla vere features kuda check chesanu, employer reviews and salaries are very good! Have a look at it!
:-) చాలా బాగా రాశారు.
చాలా బాగా రాసారు.
మీ బ్లాగుకి అయస్కాంతం అని సరైన పేరే పెట్టారు :)
చాలా బాగా రాస్తున్నారు.
బైదవే .. ముర్గా మాత్రమే కూస్తుంది (కూస్తాడు?) స్త్రీలింగానిక్ గొంతు లేదు పాపం!
జిల్ జిల్ జింగా! :)